4 DE OUTUBRO
Este obradoiro, de 4 h de duración, explora a música experimental e a performance como espazos de reapropiación tecnolóxica e liberdade de xénero. A través da creación colectiva de artefactos DIY e técnicas de reciclaxe, propoñemos transformar obxectos cotiáns en corpos híbridos que producen ruído, entendido como multiplicidade e apertura simbólica. Desde unha mirada transhackfeminista, traballamos con exoesculturas e circuit bending, onde o corpo convértese en resistencia e o ruído revela que tanto a música como o xénero son construcións sociais. Apostamos polo código aberto e as tecnoloxías accesibles como ferramentas de autonomía e cultura libre.
O taller desenvólvese de forma horizontal: aprenderemos a ler esquemas, identificar compoñentes e construír un 8Bit Mixtape NEO, un sintetizador o-fi de 8 bits baseado no microcontrolador ATTINY85 e totalmente compatible con Arduino. Compacto pero versátil, integra 2 potenciómetros, 2 botóns e 8 Neo-Píxeles RGB direccionables, ofrecendo tanto unha experiencia sonora como visual. Grazas ao seu sistema de Audio Boot TINY, pode actualizarse facilmente mediante arquivos .wav reproducidos desde calquera dispositivo, o que permite cargar e compartir mixtapes que transforman por completo a súa personalidade: pode converterse en caixa de ritmos, modificador de ton, sintetizador de música algorítmica, entre moitas outras posibilidades.
Desta maneira, o NEO non só amplía o campo de experimentación sonora e performativa, senón que tamén encarna o espírito da cultura libre: aberto, reprogramable e listo para ser reapropiado colectivamente.
¡Non quedes sen praza !
Ubicación: Salón de actos da Casa das Ciencias. Parque Santa Margarita S/N
Datas: sábado 4 de outubro
Horario: 10:30h a 14:30h
Prezo: 80 €
⚠️Obradoiro limitado a 10 prazas por orde de inscrición. ¡Reserva xa!
📧Para inscribirte e recibir información sobre o abono da matrícula e sobre o obradoiro envía un mail a paulapin24@gmail.com, con copia a lab@modulartec.gal, co teu nome, apelidos e DNI.
🎟️Inscricións abertas ata o 26 de setembro.
👉🏻Más información na nosa web (link en bio – Modulartec LAB).