Unha homenaxe ás sesións experimentais que naceron en 1959 no Morrison Planetarium de San Francisco e seguindo coa liña das sesións Vortex que se iniciaron no 2018 no Planetario da Casa das Ciencias esta vez, potenciadas polos novos proxectores dixitais que permiten a creación de visuais en tempo real.
Artista sonora, artista radiofónica, performer e investigadora independente italiana afincada en Berlín, activa no ámbito da arte sonora desde o ano 2003. Nos últimos anos, o seu traballo centrouse en explorar a intersección entre os aspectos visibles e invisibles da física, procurando activar as súas dimensións poéticas e conceptuais.
Realiza gravacións propias e únicas do “ambiente enerxético” que nos rodea, incluíndo radiación electromagnética procedente tanto de fontes naturais como tecnolóxicas:
– Fenómenos naturais: sinais de radio natural VLF, fontes radioastronómicas como as estrelas, o Sol e as auroras boreais.
– Fontes tecnolóxicas: electro-smog, sinais sen fíos e outras formas de comunicación mediante ondas de radio.
Traballa coa imaxe como un organismo líquido e cambiante. As súas pezas constrúense a partir de sinais que se filtran, se contaminan e se transforman.
O erro convértese en ferramenta expresiva. Non hai formas fixas nin xerarquías visuais. Só capas, resonancias e interferencias en constante mutación. Circuitos, residuos dixitais e abstraccións vibran no espazo.
A materia tecnolóxica disólvese e recomponse. Cada proxección é inestable e irrepetible.
Un campo audiovisual en expansión. Unha experiencia onde o tecnolóxico se desborda.c, realizando tarefas de rexistro sonoro e visual e é moi querido por todo o noso equipo e colaboradores.